Kuni kecha O‘zbekiston futbol assotsiatsiyasi birinchi vitse-prezidenti Ravshan Irmatov futbol akademiya tasarrufidagi “Yosh kuch” o‘yingohida qad rostlayotgan qarorgohning qurilish ishlari bilan yaqindan tanishdi. Namangan viloyati futbol assotsiatsiyasi birinchi vitse-prezidenti Shuhrat Mirxoldirshayev va futbol akademiya direktori G‘anisher Ismailov 154 o‘rinli yotoqxona, oshxona, o‘quv xonalari bo‘yicha ma’lumot berishdi. Shuningdek Ravshan Irmatov quruvchilar bilan ham suxbat olib borib tegishli ko‘rsatma va tavsiyalarini berdi.