O‘tgan mavsum Birinchiliga musobaqasida jamoa 7-o‘rinni egalladi. Bu natijani qanday baholaysiz? Kutilgan natija bo‘ldimi yoki yaxshiroq o‘rin egallash imkoniyati bormidi? Avvalambor bizga 2024-yilda birinchiligada ishtirok etish uchun imkoniyat yaratib bergan Oʼzbekiston futbol assotsiatsiyasi va Professional futbol ligasi rahbariyatiga o’z minnatdorchiligimni bildiraman. Oʼtgan mavsum ilk bor ishtirok etganligimiz sababli ishtirok yaxshi bo’ldi deb xisoblayman. Lekin xar doim imkoniyatdan maksimal natijalarga erishishga xarakat qilamiz. Jamoaning asosiy kuchi va kamchiliklari nimalarda namoyon bo‘ldi? Jamoaning o’zagini 100 % akademiyamiz tarbiyalanuvchilari tashkil etadi. Jismoniy, individual hamda taktik tomondan xech qaysi jamoadan yomon xarakat qilmayapti yutuq tomon shunda deb oʼylayman. Tarkibimiz yosh futbolchilardan iborat bo’lganligi sababli katta futbolga kirishib ketish uchun xayajon va bosimni xis qilayotganliklari bilinmoqda, ammo bu kabi xolatlarni futbolchi tezda yengishi va moslashib ketishi zarur bo’ladi va futbolchilarimiz bu kabi xolatlarni tezda yengishiga ishonaman. Farg‘ona viloyati hokim kubogida chorak finalgacha yetib bordingiz, biroq imkoniyat boy berildi. Ushbu musobaqada jamoaning o‘yini va chiqargan xulosalaringiz haqida gapirib bera olasizmi? Farg‘ona viloyat “Hokimi kubogi”da ishtirok etishdan asosiy maqsad, Jamoani bu yilgi mavsumga puxta tayyorlash va jamoaga yangi chaqirilgan futbolchilarni sinovdan o’tkazish va ularning o’yin faoliyatlarini ko’zdan kechirish maqsadida ishtirok etdik. “Qoʼqon -1912”, “Andijon”, “Navbahor” hamda “Neftchi” yoshlar jamoalariga qarshi bahs olib bordik va 4 ta oʼyinda 6 ta gol urib 2 bor o’z darvozamizdan to’p olib chiqdik. Shundan bilsa boʼladiki jamoamiz ham ximoyada xam xujum chizigʼida aniq koʼrsatmalar boʼyicha vazifalarni toʼlaqonli bajarishdi. Xech qaysi jamoadan individual jismoniy xamda taktik tomondan yutqazmadik. Musobaqadagi ishtirokimizdan koʼnglim toʼldi xato va kamchiliklarimiz ustida ishlashda davom etamiz. Jamoaning asosiy o‘zagini yosh futbolchilar tashkil qiladi. Yoshlarning o‘sishi va tajriba orttirishi uchun qanday sharoitlar yaratilgan? Jamoamizning 80% oʼzagini 2007-2008 yilda tug’ilgan futbolchilar tashkil qilishadi. Jamoamizda futbolchilarni birinchi o‘rinda oʼsishi uchun akademiyamiz rahbari G’anisher Abdug’affarovich tomonlaridan yetarli sharoitlar yaratib berildi va jamoamiz professional darajada tashkil etildi. Shu bilan bir qatorda yosh futbolchilar bilan yanada yaxshi ishlash maqsadida ko’p yillar bunyodkor va Belarussiyaning “Shaxtyor Soligorsk” jamoalarida faoliyat yuritgan kuchli mutaxassis Muhiddin Ortiqov akademiyamizga faoliyat olib bormoqda. Akademiyamizning jamoalarining mashg’ulot rejasi viloyatimizning asosiy jamoasi xisoblanmish Navbahor futbol klubining mashg‘ulotlari bilan deyarli bir yo’nalishda olib borilmoqda. Bundan ko’zlangan asosiy maqsad asosiy jamoamizga futbolchi yetkazib berish va tarbiyalanuvchilarimizni professional jamoalarda mashg’ulot jarayonlariga tezda kirishib ketishlari uchun bir xil yo’nalishda mashg’ulotlarni olib bormoqdamiz. Yaratib berilgan sharoitlar haqida gapiradigan boʼlsam - yuqorida ta’kidlab o’tganimdek rahbariyat tomonidan safar o’yinlariga o’yin kunidan bir kun oldin yetib borib o’yin oldi mashg’ulotlar o’tkazishimiz hamda futbolchilarimizni maydonga moslashishi uchun imkoniyatlar yaratib berilmoqda. Bundan tashqari futbolchilarimiz uchun toʻgʻri ovqatlanishlarini nazorat qilish va ularning jismoniy rivojlanib borishlarini monitoring qilish, vitaminizatsiya jarayonini ilmiy asoslanmagan hamda shifokor tavsiyasisiz oʻtkazishga yoʻl qoʻymaslik bo’yicha shifokorlarimiz tomonidan nazorat qilib borilmoqda. Klubning asosiy maqsadlaridan biri – turli yosh toifasidagi terma jamoalarga futbolchilar yetkazib berish. Hozirgacha terma jamoaga chaqirilgan futbolchilar hususida gapirib bering? Nafaqat jamoamiz balki akademiyamizning asosiy maqsadi turli yosh toifasidagi terma jamoalarga shuningdek viloyatimizning bosh jamoasiga iqtidorli tarbiyalanuvchilarni yetkazib berish. Joriy 2025 yilda turli yosh toifasidagi terma jamoalarimizga jami 7 nafar tarbiyalanuvchilarimiz o’quv-yig’in mashg’ulotlari hamda xalqaro o’rtoqlik uchrashuvlari, turnirlarda ishtirok etishdi. Bular: Isroil Tursunboyev, Farrux Abduraxmonov, Uchqun Zokirjonov, Ma’mur Zokirjonov, Xojiakbar Botiraliyev,Qahramon Turginov, Muhammadrizo Parpiyev. Yangi futbolchilarni jamoaga jalb qilish va ularni professional darajaga yetkazish bo‘yicha qanday strategiyalar ishlab chiqilgan Akademiyamiz viloyatimizning barcha tumanlaridagi bolalar-o’smirlar sport maktablari, futbol maktabi va umumiy o’rta ta’lim maktablari bilan hamkorlikda seleksiya ishlarini sifatli olib boorish bo’yicha hamkorlik memorandumi imzolangan va memorandum ijrosini bajarish bo’yicha sekeksioner murabbiyimiz tomonidan har yili viloyatimizning barcha tumanlarida seleksiya ishlari olib boriladi. Dastlab akademiyaning zahira jamoasi shakllantiriladi va qabul imtihonlarida saralash ishlari olib borilib, futbol akademiyasiga eng iqtidorli tarbiyalanuvchilar qabul qilinadi. Siz uchun murabbiy sifatida eng muhim tamoyillar nimalardan iborat? Xatolardan doim xulosa chiqarib kamchiliklar ustida ko‘proq ishlash. Jamoani shakllantirishda qanday yondashuvlardan foydalanasiz? Jamoani shakllantirshda asosiy e’tiborni futbolchining iqtidori IQ darajasi va maydondagi xarakatiga qarab baxolaymiz. Qabul imtihonlari paytida ko’p bora bir xolatga duch kelamiz ya’ni talabgorlarning o’yin faoliyatini baxolash jarayonida ko’p ota-onalar farzandim gol urdi nima uchun bali tushib ketdi? deb shikoyat qilishadi, baxolanki siz futbolchisiz va maydonda sheriklaringizga yordam bermay xujumlarni uyushtirishda ishtirok etmasdan gol uradigan bo’lsangiz unda siz faqat o’zingiz uchun futbol o’ynagan bo’lasiz. Futbol bu jamoaviy sport turi bo’lganligi sababli g’alabani ham mag’lubiyatni ham jamoa bilan baham ko’riladi, ichki muhiti qanday ekanligi maydonda namoyon bo’ladi. Kelajakda klubning o‘z tarkibini kuchaytirish rejalari bormi? Kelajakda jamoani faqat oʼzmizning tarbiyalanuvchilar orqali kuchaytiramiz. Rahbarimiz Ganisher Ismailov doim talab qiladilar bizning akademiyamiz viloyatda hamda Respublikada eng koʼp futbolchi yetkazib beradigan fabrika boʼlishi kerak deb, shunday ekan bu fabrikadan hali ko’p sifatli va foydali futbolchilar yetishib chiqadi. O‘zbek futboli taraqqiyoti uchun yosh futbolchilarga e’tiborni kuchaytirish bo‘yicha qanday takliflaringiz bor? Mamlakatimizda sportning futbol turini rvojlantirish bo’yicha muhtaram yurtboshimiz Shavkat Miromonivich Mirziyoyev tomonidan barcha imkoniyatlar yaratib berilmoqda. Biz bu imkoniyatlardan doimo unumli foydalanishimmiz, chindildan mehnat qilishimiz zarur. O’zim ham bolalar futbolida faoliyat olib borib shuni bildimki, yoshlarga doim ishonib qoʼrqmasdan oʼzini qay darajada ekanligini koʼrsatish uchun qo’llab quvvatlash hamda imkoniyat taqdim etish kerak. Shu bilan bir qatorda viloyatimiz xokimi Shavkat Abdurazzoqov tomonlaridan sporting futbol turini rivojlantirish uchun imkoniyatlar yaratib berilmoqda.Namanganlik futbol muhlislari respublikamiz bo‘yicha eng zo‘r va eng talabchang muhlislar xisoblanishadi va buni xisobga olgan holda hali ko’p tarbiyalanuvchilarimiz Navbahor jamoasi sharafini munosib himoya qilishadi degan umiddaman. Yosh futbolchilar uchun mentalitet va psixologik tayyorgarlik qanchalik muhim? Klubda bu yo‘nalishda qanday ishlar olib borilmoqda? Jamoamizda muntazam ravishda o’yindan oldin va o’yindan keyin psixolog tomonidan suxbatlar testlar olib boriladi. Buni yosh futbolchilarimiz oʼzlarini maydonda harakat qilishlari orqali koʼrib xulosa qilsak bo’ladi. Futbolda psixologik tayyorgarlik xozirgi zamon futbolida juda muhim ahamiyatga ega. Psixologiya va futbol bir-biriga chambarchas bo’g’liqdir.